Description Siar ó dheas i leithinis Chorca Duibhne in iardheisceart Chontae Chiarraí, ag síneadh ó Thrá Lí siar daichead éigin míle thar an Daingean go Ceann Sléibhe agus an Dún Mór, tá dorn oileán gan ord gan eagar, na Blascaodaí. An tOileán Tiar, nó an Blascaod Mór an t-oileán is mó i méid agus an t-oileán ba mhó go raibh cónaí ann go dtí 1953. Bhí líon tí amháin tamall ar Bheiginis chomh maith agus líon tí eile tamall ar Inis Tuaisceart ach is fada buí go raibh deatach in aon cheann acu. An t-oileán ba mhó go raibh daoine lonnaithe ann, seachas an tOileán Tiar ná Inis Mhic Uibhleáin.
Den chéad uair riamh seo tuairisc ar Inis Mhic Uibhleáin scríofa ag an staraí áitiúil, Mícheál Ó Dubhshláine. Stair an oileáin atá anseo idir cheol, seanchas, seandálaíocht agus stair nádúrtha. Bhunaigh Mocheallóg Mac Uibhleáin mainistir ar an Inis go luath i ré na Críostaíochta agus bhíodh daoine ag dul isteach ar an oileán ar oilithreacht. Tamall ina dhiaidh sin bhí an Inis i seilbh na Normannaigh.
Cé go bhfuil sé cinnte go raibh dhá theaghlach ag maireachtaint ar an Inis sa 19ú haois, deineann an t-údar iniúchadh ar scéalta go raibh teaghlaigh eile ag maireachtaint inti ó am go chéile. Seo cur síos ar shaol na ndaoine a mhair ar an oileán, chomh maith le scéal Chathail Uí Eochaidh a cheannaigh an Inis sna seachtóidí, agus a thug cabhair nach beag don údar lena chuid taighde.
Author Mícheál Ó Dubhshláine is a native of Kilkea, Co. Kildare. He was principal teacher in Scoil Dhún Chaoin for thirty-three years before retiring in the spring of 2003. He was awarded an Honours MA in Local History from the University of Ireland, Maynooth in 1994. He died in May 2006.
